Bir çox qızlar menstruasiya zamanı sızıntılardan qorxur. Gündüz narahatlıq yüksək olsa da, gecə bu baxımdan ən həssas dövrdür. Axı yuxuda olarkən bezin "doldurulma" səviyyəsini yoxlamaq və onu dəyişdirmək mümkün deyil. 8 saat ərzində hər şey ola bilər – axı hər bir bezin udma qabiliyyəti məhduddur.
Buna görə də, gecə gigiyena vasitələrinin etibarlı olması və onlara güvənməyiniz xüsusilə vacibdir.
Gecə bezləri nə üçün lazımdır?
Yuxarıda yazılanlardan da göründüyü kimi, gecə bezləri sakitcə yatmaq, sızıntılardan və gigiyena vasitəsini dəyişdirmək vaxtının gəlməsindən narahat olmamaq üçün lazımdır. Lakin, gecə bezlərinə üstünlük verməli olduğunuz digər hallar da var:
- Bəzi qadınlarda menstruasiyanın ilk günlərində ifrazat miqdarı ən yüksək səviyyəyə çatır. Hətta yüksək udma qabiliyyətli bezlər belə öhdəsindən gələ bilməz. Bu halda gecə gigiyena vasitələri köməyə gəlir
- Doğuşdan sonra əksər qadınlarda lohiya adlanan xüsusi ifrazatlar yaranır. Bunlar qan, selik, döl qişasının qalıqları və digər fraqmentlərdən ibarətdir. Bu proses bir ay və ya bir az daha uzun davam edə bilər. Əgər bu ağrı və ya pis qoxu ilə müşayiət olunmursa, tamamilə normaldır. Buna baxmayaraq, lohiyalar narahatlıq yaradır. Və əlbəttə ki, hər qadın alt paltarını bu cür ifrazat izlərindən qorumaq istəyir. Bu halda da gecə bezləri kömək edə bilər;
- Bəzi növ əməliyyatlardan sonra, xüsusən də ginekoloji əməliyyatlardan sonra qadında müxtəlif növ bol ifrazatlar ola bilər. Gecə bezləri rahat və qorunan hiss etməyə kömək edəcək;
- Bir çox qadın, o cümlədən gənc qadınlar sidik qaçırma problemi ilə üzləşir. Sidik qaçırmanın həcmi fərqli ola bilər. Əgər bu gündəlik bezlər üçün çox böyük, lakin xüsusi külotlar üçün kifayət qədər deyilsə, gecə bezləri ideal seçim olacaq.
Gecə bezləri adi bezlərdən nə ilə fərqlənir?
Gecə bezlərinin funksiyası daha intensiv qoruma təmin etmək olduğuna görə, onların xarici görünüşü gündüz və gündəlik bezlərdən fərqlənir.
Gecə bezləri:
- uzun daha geniş zolaqla təchiz olunub. Bezləri külotlarına yapışdırdıqda, onların əsas hissəsini örtəcək;
- daha yüksək udma qabiliyyətinə;
- həmişə standartlardan daha uzun qanadlarla təchiz olunub – bu, bezin əsas hissəsinə uyğun olmaq üçündür;
- qalınlıq baxımından, adətən, gündüz bezlərindən qalındır və gündəlik bezlərdən çox dəfə qalındır;
- adi gündüz bezlərindən adətən daha sıxdır.
Nəticələr
Kotex markasının gecə bezləri qablaşdırmada altı damla ilə işarələnir. Onları bir neçə vəziyyətdə istifadə etmək mümkündür. Aydındır ki, menstruasiya dövründə gecə üçün bez seçərkən məhz onlara üstünlük vermək lazımdır. Lakin bundan başqa, onlar sidik qaçırma və doğuşdan sonrakı ifrazatlar zamanı da kömək edə bilər. Bütün bu hallarda onlar sənin təmizlik hissini dəstəkləyəcək və sızıntıların qarşısını alacaq. Gecə bezlərinin xüsusiyyətləri daha böyük ləçək və qanad ölçülərini, xüsusi udma səviyyəsini, əhəmiyyətli qalınlıq və sıxlığı nəzərdə tutur.
